मोगरे हे महाराष्ट्रातील नाशिक जिल्ह्यातील इगतपुरी तहसीलमध्ये वसलेले एक गाव आहे . मौजे मोगरे गाव दारणा नदीच्या किनारी वसलेले असुन हिरवळीने नटलेला समृद्ध परिसर आहे . इगतपुरी तालुका पेशवे काळापासुन धरणांचा समृद्ध तालुका म्हणून संपूर्ण महाराष्ट्रात ओळखला जातो . दारणामाई नदिच्या एक कुशीत विसावलेले चहुबाजुनी वेढलेले समृद्ध असे गांव मोगरे नदीच्या किनारी असल्याने पाणी व सिंचन क्षेत्रात गावाने प्रगती करून संपूर्ण शेती वागायती आहे. पावसाळ्यात महाराष्ट्राची भूक भागविणारी सुगंधाने वेड लावणारा नुसत्या वासाने भुक भागवणारी तांदुळाची  भातशेती मोगरे गावात केली जाते. सुप्रसिद्ध इद्रायणी, १००८, सिंधुर ,कोलम, हाळणकर अशा विविध जातीची भातशेती समनेरे गावात केली जाते . भातशेती म्हणजे अखंड कष्टाचेचे काम, बी पेरणी ,रोपे तयार करणे .गाळ तयार करणे ,भाताची लागवड वाकुन ओणव्या पध्दतीने भर पावसात केली जाते. इतके कष्टाचे काम  मोगरेकर शेतकरीच करू जाणे. महाराष्ट्रातील चेरापुंजी म्हणजे इगतपुरी तालुका इथे पावसाचे पडण्याचे प्रमाण जास्त असुन चार महिने  हलाखिचे जिवनमान जगत असतात. रस्त्याची दुर्दशा होवुन जाते .पावसामुळे आजारपणाचे  प्रमाण वाढत जाते ,या संकटांना मोगरेकर धिराने तोंड देतात. मोगरे हे मुंबई नाशिक महामार्गापासून ८ km अंतरावर आहे  .मुख्य बाजारपेठ घोटी असुन सर्व शेतकरी वर्ग आपली शेतीची साधन सामुग्री , भांडवल घेण्यासाठी घोटी येथे जातात .उन्हाळ्यात टोमाटो, काकडी ,झेंडू फुलाची शेती मोठ्या प्रमाणात केली जाते .एकुणतः शेतीने समृद्ध असे गांव आहे. प्रत्येक घरात दुधासाठी गाय आणि म्हशीचे पालन केले जाते . दुध व्यवसाय मोठ्या प्रमाणात केला जाऊन डेअरी व्यवसायास चालना मिळते. बचतगटाच्या माध्यमातुन डेअरी प्रकल्प चालविले जातात. त्यामार्फत दुध, दही पनिर श्रीखंड हे पदार्थ बनवुन मुंबईच्या बाजारपेठन पाठविले जातात. घराघरांत दुधाची सुबत्ता असुन खावूनपिवुन सुखी असे गांव आहे.

                   गावाची समृध्द अशी अध्यात्मीक परंपरा आहे. गोपळकाला उत्सव मोठ्या उत्साहात साजरा केला जातो.  गावात ७ दिवस अखंड नामजप सप्ताह, ज्ञानेश्वरी पारायण होते. ७ दिवस मोठ्या किर्तनकारांचे किर्तनसेवा बजावली जाते. शेवटच्या दिवशी महाप्रसाद असतो. ७ दिवसांचा उत्सव गांवकरी मोठ्या श्रद्धा भक्तीने लोकवर्गणी जमा करून गावाची समृद्ध परंपरा जपत असतात. त्याचप्रमाणे १५ मे ते 30 मे या दरम्यान हनुमान महाराज यांची जत्रा असते. जत्रा गांव मोठ्या उत्साहाने साजरा करून या कार्यक्रमांचा आनंद सर्व आबालवृद्ध घेतात पंचक्रोशीतुन नागरिक कष्टकरी, कामकरी महिला भगीनी मोगरेला येऊन घेतात .